Transcription
1
Reçue à Grenoble, le 18 octobre 1572
2
Monsieur, je me doubte que recevrés ceste letre assez tard
3
pource que nestant adverti par votre dernier depesche du XIIe du chemin
4
que tiendriés, nous sommes contrayntz attendre la commodité des
5
porteurs et la grace à Dieu il ne sest presenté chose qui
6
presse denvoyer exprès. Je luy prie que cela dure toutz temps.
7
Vous trouverés cy encoz ung paquet de monsieur de Ville Franche
8
qung passant me balia sans estre aultrement fermé, sinon aynsi
9
que le verrés, je ouvris sa letre où, comme se vous a pleu
10
me mander se treuve plus de menasse que deffect.
11
Nous avons leu les letres de messieurs d’Argentrant et
12
Catinel et celles du roy avec le memoyre de sa volunté.
13
Nous avons delivré à messieurs des comptes
14
ce qui leur est adressé et devons demeyn resouldre
15
lordre quon ha à leur pour lexequution de ses mandements ;
16
lon a faict tenir vostre paquet à madame de Gordes par
17
le laquais de monsieur de St André, laquelle m’a escript
18
quelle vous fesoyt response. Je suys en peyne de ce
19
que mescrivés, si le paquet que je baliay au chevaucheur
20
lendemeyn de votre departement, dans lequel estoyt la
21
letre du segneur Ludovic touchant les compagnies du baron
22
des Adrestz, vous a esté rendu. Lon nous dit que monsieur
23
d’Ambrun doyt arriver icy ce soyr. Je croy quil nous dira
24
quelque chose plus certeyne des Montagnes. Je voys surce
25
prier le Createur
26
Monsieur vous doner en bone, heureuse et longue vie.
27
De Grenoble, ce XVIe doctobre 1572
28
Vostre humble serviteur
29
G. Deportes